Mulung Struk Meunang Baju

"Yakin urang mah, manéhna nyokot tina erak. Panan ku urang téh ti mimiti asup ka toko geus ditutur-tutur. Heueuh! Inget ceuk manéh, éta jelema geus sababaraha kali asup ka toko bari gunta-ganti baju!" pokna Manto bari bulak-balik hareupeun kuring. "Tapi naha nya? Jadol téh! Hanas ditewak, geuning boga struk pembayaran" "Ari tanggal jeung jam dina struk? Tadi ditempo teu?" "Heueuh poé ayeuna! Nu jadi kasirna gé aya kénéh." Di luar toko. "Hadé euy! Jenius! Bisa meunang baju bari teu kudu ngaduitan. Goblog!" "Heueuh! Matak ceuk aing gé, ulah sok miceun kérésék jeung struk pembayaran! Geus isuk mah urang pindah ka toko nu leuwih gedé. Sugan leuwih loba nu miceunan struk."