ANGIN PRIANGAN

 ANGIN PRIANGAN

Rumpaka : Wahyu Wibisana

Sanggian : Mang Koko

Laras : Pélog

Seungit angin Priangan

ngusapan embun-embunan, duh embun-embunan

Hawar-hawar reureundahan ngahariring

ayun ambing, ayun ambing

Seungit angin kayangan, sumerepna lelembutan

Duuuuh na lelembutan.

Hawar-hawar reureundahan ngahariring

Eling-éling mangka éling

Dengkleung déngkdék

Dengkleung déngkdék sisi lamping

anu déwék enya anu kuring

Tanah wasiat tanah duriat

anu matak tibelat nya rarasaan

Dengkleung déngkdék

Dengkleung déngkdék sisi lamping

anu déwék enya anu kuring

tanah wasiat jadi sarakan

anu tetep marengan nya lelembutan   

BULAN BANDUNG PANINEUNGAN

 Mun sareupna geus mimiti

katémbong nyimbutan Bandung

angin Lémbang turun laun, ngabubuhan

langit mayung, bulan beukah

mangkat hiji lagu

kedaling katineung ati, deudeuh

Mun karéta pang ahirna

geus anjog ka kota Bandung

sinyal beureum malang deui, ngahalangan

Kota hurung, béntang mijah

ngaleu hiji lagu

kedaling kasmaran pikir aduh.

Hariring peuting pamirig hiji impian

bulan di langit Bandung nyaksian

wawakil ti pameunteuna, panineungan

Kembang mawar angger beureum,

nya eulis da angger beureum.

Haréwos peuting marengan hiji lamunan

bulan di langit Bandung, nyaangan

ngagenténan pameunteuna, panineungan

langit isuk angger biru nya eulis, da angger biru

Mun radio geus karungu

nembangkeun lagu pamungkas

mirig sora anca halon pileuleuyan

peuting cicing, kota jempling

jerit hiji lagu

kedaling katineung ati deudeuh

Mun balébat gagantina

geus hibar wétaneun Bandung

angin tonggoh lalaunan, muru Lémbang

bulan surup, langit biru

tamat hiji lagu

harepan témbong ngalangkan aduh

Hariring peuting pamirig hiji impian

bulan di langit Bandung nyaksian

wawakil ti pameunteuna, panineungan

Kembang mawar angger beureum,

nya eulis da angger beureum.

Haréwos peuting marengan hiji lamunan

bulan di langit Bandung, nyaangan

ngagenténan pameunteuna, panineungan

langit isuk angger biru nya eulis, da angger biru 

WENGI ÉNJING TEPANG DEUI

WENGI ÉNJING TEPANG DEUI

Rumpaka : Tatang Sastrawirja

Sanggian : Mang Koko

Laras : Pélog

Disimbutan ku halimun

diaping ku indung peuting

lalaunan ngalayangna

sukma ninggalkeun jasmani ,

Duh aduh sukma ninggalkeun jasmani

Ngalayang ka awang-awang

rék nepangan anu tebih

nepungan ka urang gunung

malati di pinggir pasir

Kakara pisan ligarna

kapendakna tacan lami

katuruban dangdaunan

kaheumpikan naga sari

Kembang diburu dirungrum

sawengi henteu kawangi

patapan henteu kalanglang

raraosan mah sawarsih,

Duh aduh raraosan mah sawarsih,

Hawar-hawar sora hayam

ciri parantos janari

nu nyumput téh humarurung

teungteuingeun milik diri

Harianeun teuing kadar

misahkeun anu keur asih

kembang nganggo dihalangan

ditundung ku indung peuting

Gunung geus aya dipungkur

indit haté mah murilit

duh, aduh indit haté mah murilit

Miang gé da sumoréang

Parang tritis kapiati

aduh enung pileuleuyan

wengi énjing tepang deui

Duh aduh wengi énjing tepang deui.

Naon Lepatna - Darso & Detty Kurnia

 naon lepatna, naon dosana

mun diri katarik geter simpati

kabandang kamelang

naon lepatna, naon dosana

mun rasa rumasa nyimpaykeun tresna

mikaasih ka dirina

kapan cinta kedah anteb jeng asihna

kapan asih kedah tingtrim sumandingna

sedeng rasa rumasa manteng teuteupna

demi kasatiaan janten pageuh pamadegan

naon lepatna naon dosana

nepikeun tungkusan kalbu mustika asmara

naon lepatna naon dosana

da niat rek saenyana, mikaasih ka dirina

kapan cinta kedah anteb jeng asihna

kapan asih kedah tingtrim sumandingna

sedeng rasa rumasa manteng teuteupna

demi kasatiaan janten pageuh pamadegan

naon lepatna naon dosana

nepikeun tungkusan kalbu mustika asmara

naon lepatna naon dosana

da niat rek saenyana, mikaasih ka dirina

naon lepatna naon dosana

Gunung geus aya dipungkur

indit haté mah murilit

duh, aduh indit haté mah murilit

Miang gé da sumoréang

Parang tritis kapiati

aduh enung pileuleuyan

wengi énjing tepang deui, aduuuh ( 2 X )  

Kembang mawar angger beureum,

nya eulis da angger beureum. 

DANGDANGGULA (GOYONG)

 Mungguh hirup hamo bisa mungkir

tina salah jeung kakaliruan

nu jadi rereged haté

rajeun ngagugu napsu

umangkeuh reujeung asa aing

teu ngajén ka nu lian

geus tangtu kaliru

meungpeung aya kasempetan

urang silih lubarkeun rereged dosa

reujeung papada urang

Nu dipamrih mugi jembar manah

luntur kalbu kersa ngahaksami

malar teu janten bebendon

dina lakuning hirup

binarung kaweningan ati

tur neundeun pangharepan

ampunan Nu Agung

mulang kana kasucian

beresih lir anyar gumelar ka dunya

gymilang sinanglingan

BENTANG MULANG (karya Nyai Endit) dina Rumpaka Lagu (ku Dasep Arifin)

Hawar - hawar humandeuar

aya sora anu henteu nyoara

Wengi enjing tepang deui, pokna!

Kuring teu wasa ngajawab, letah beurat kaeurad pitapak asih

Ber ...,  bentang anu kuring hiber

reg ngarandeg bari malikeun awakna

Jangjangna teu weleh ngiplik

Jiga ngagupayan kuring

Engkang kuring milu

jawabna ukur gigideug

Gerip wanci nulis titis miruha tresna ku rasa

Pamali, Enung, teu kenging ngarempak larangan

Manehna hiber deui

 beuki luhur ngawang - ngawang

Melesat ka alak paul

ngacacang milang sulintang

Kuring teu bisa kumaha iwal diri sumerah pasrah

Beuki luhur cahayana jiga nu kakalicesan

Teup, manehna eunteup dina jangjang indung peuting

Bray caang, awakna kajeueung deui

Kuring tungkul teu kawawa ku cimata

Diri jumerit ka Gusti, raga ngoceak ka Pangeran

Ya Alloh Robbul Ijati, pulangkeun deui panutan kuring

Kuring tanggah neuteup deui udat langit

Geuning manehna geus euweuh

Balabuh dawuh ngahiang dina galeuh maha wening

Hate ngageder-- dada ngahegak nahan kaambek

Panon mencrong kalangit -- ku asa diteungteuingan

Kudu kasaha kuring nanya -- lamun kangen kana lalakon anu kamari

Hawar - hawar humandeuar

Enung ..., urang paanggang ngan ukur dina ciciptan

Dina batin gulung gelek sasarengan .

Dasep Arifin

Rawayan kaheman - Bentang mulang beunang Nyai Endit, direka janten rumpaka lagu ku Ab'Das